კარგია, რომ ბერლინში აკრედიტებული ქართველი დიპლომატები დამრღვევებს შორის პირველ ადგილზე არ არიან. თუმცა 2015 წელს ბერლინში ქართველი დიპლომატების მხრიდან მოძრაობის წესების 212 დარღვევაა გამოვლენილი. აღსანიშნავია, რომ ბერლინში ქართულ დიპლომატიურ კორპუსზე 11 ავტომობილია რეგისტრირებული. ეს იმას ნიშნავს, რომ საშუალოდ ერთ ავტომობილზე 19,3 დარღვევა
► შედარებისთვის: ბერლინში პაკისტანის საელჩოსაც 11 ავტომობილი ჰყავს და პაკისტანელმა დიპლომატებმა მოძრაობის წესები 498-ჯერ დაარღვიეს - საშუალოდ ერთ ავტომობილზე 45,3 დარღვევა.
► ბერლინში ყველაზე მეტი დარღვევა საუდის არაბეთის საელჩოს წარმომადგენლებს აქვთ: 1340 დარღვევა 101 ავტომობილზე. მეორე ადგილზე რუსი დიპლომატები არიან - 812 დარღვევით 175 ავტომობილზე.
აღსანიშნავია, რომ ამ მონაცემებში ძალიან დიდი მნიშვნელობა აქვს კოეფიციენტს, თუ რამდენი დარღვევა მოდის საშუალოდ ერთ ავტომობილზე. მაგალითად, ამერიკელებს სულ 544 დარღვევა აქვთ, მაგრამ მათ 264 ავტომობილი ჰყავთ და საშუალოდ ერთ ავტომობილზე წელიწადში 2 დარღვევა გამოდის. აი, სუდანელი დიპლომატების შემთხვევაში კი ეს კოეფიციენტი 62,8 გახლავთ!
2015 წლის მონაცემები
გერმანული გაზეთი ”ბილდი” წერს, უცხოელი დიპლომატები საგზაო მოძრაობის წესების დაცვის კრიტერიუმში ძალიან არადიპლომატიურად იქცევიანო - 2015 წელს ჯამში 24 118 დარღვევაა გამოვლენილი. აღსანიშნავია, რომ დიპლომატები ბერლინში ამ დარღვევებისთვის არ ისჯებიან, რადგან დიპლომატიური იმუნიტეტი აქვთ. ანუ, ფაქტობრივად მათი დიპლომატიური პასპორტები იმის ლიცენზიაა, რომ გადააჭარბონ სისწრაფეს, დაარღვიონ მოძრაობის სხვა წესები და დააპარკინგონ ავტომობილები არასწორად.
ბერლინის ადმინისტრაციის განცხადებით, დარღვევებში ყველაზე ხშირია სისწრაფის გადაჭარბება და არასწორი პარკინგი. 2015 წელს დაფიქსირდა 72 ავტოსაგზაო შემთხვევაც.
ასევე იხილეთ:
ნორვეგიაში ყველაზე მეტ ჯარიმას ქართველი დიპლომატები იხდიან!
გზამკვლევი ჯოჯოხეთში...
რუსეთი VS ამერიკა - 2015 წლის ავტოგაყიდვებით